Vaşinqton İrana qarşı sanksiyaları genişləndirərək siyahıya 24 qurum əlavə edib

GADTB: ABŞ Maliyyə Nazirliyinin Xarici Aktivlərə Nəzarət İdarəsi (OFAC) İranla əlaqəli 12 şəxs və 12 qurumun sanksiya siyahısına daxil edildiyini açıqlayıb.

 Sanksiyalar İranın əsas hökumət rəsmilərini, o cümlədən SEPAH-ı, hüquq-mühafizə orqanlarını və İranın xaricdəki fəaliyyətlərinin transsərhəd maliyyələşdirilməsi və dəstəklənməsi ilə məşğul olan şirkətləri hədəf alır.

Hədəfdə olan şəxslər arasında yüksək rütbəli SEPAH və təhlükəsizlik qüvvələrinin komandirləri, eləcə də beynəlxalq enerji ticarəti ilə məşğul olan şəxslər var. Hüquqi şəxslərə gəldikdə, sanksiya siyahısına İran, BƏƏ, Sinqapur və Böyük Britaniyada qeydiyyatdan keçmiş şirkətlər daxildir. Onlar enerji resursları, qida məhsulları və digər strateji əhəmiyyətli malların ticarəti ilə məşğuldurlar.

 Məlumata görə, bəzi şirkətlər sanksiyalardan yayınma sxemlərində və beynəlxalq cinayətkar şəbəkələr və terrorizmlə əlaqəli qurumların maliyyələşdirilməsində iştirak ediblər./ Azad İran