Tehranda azərbaycanlı yeniyetmə Mobin Qənbəri güllələnərək öldürülüb

GADTB: Xoy şəhərindən olan azərbaycanlı yeniyetmə Mobin Qənbəri 18 dey tarixində Tehranda keçirilən etiraz aksiyası zamanı İran İslam Respublikası hakimiyyət qüvvələrinin birbaşa açdığı atəş nəticəsində həyatını itirib.

Daxil olan məlumatlara görə, Mobin Qənbəri silahsız və dinc şəkildə etiraz aksiyasında iştirak edərkən güllə ilə vurulub. Onun öldürülməsi, silahsız etirazçılara qarşı odlu silahdan istifadənin davam etdiyini və İran hakimiyyətinin zorakı repressiya siyasətini bir daha ortaya qoyur.

Etirazlarda həlak olanlar siyahısına bir yeniyetmənin də əlavə olunması, yaşamaq hüququnun geniş miqyasda pozulmasını və etirazçıların qətlə yetirilməsində hakimiyyət qüvvələrinin birbaşa məsuliyyətini yenidən gündəmə gətirib. Bu hadisə beynəlxalq insan haqları qurumlarının artan narahatlığı ilə qarşılanır.