Molla rejimin həbs etdiyi Maziyar Şəkurinin vəziyyəti ilə bağlı məlumat yoxdur

GADTB: Astara sakini olan azərbaycanlı bloqer və satirik Maziyar Şəkuri etirazların ilk günlərində molla rejimin qüvvələri tərəfindən saxlanılıb.

Saxlanılmasından bir neçə həftə keçməsinə baxmayaraq, ailəsi indiyədək onun saxlanıldığı yer, hüquqi vəziyyəti, eləcə də fiziki və psixoloji sağlamlığı barədə heç bir məlumat əldə edə bilməyib.

Maziyar Şəkurinin yaxınlarının bildirdiyinə görə, ailənin müxtəlif qurumlara etdiyi təkrar müraciətlər nəticəsiz qalıb və heç bir rəsmi qurum bu bloqerin taleyi ilə bağlı açıqlama vermək məsuliyyətini üzərinə götürməyib.