GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim 50 gündən çoxdur azərbaycanlı milli-mədəni fəal Mehdi Kuxiyanı Marağada həbsdə saxlayır. Fəal qanunsuz olaraq, şərlənib və həbsə salınıb. Üstəlik rejimin təhlükəsizlik orqanlarının təzyiqi ilə məzuniyyətə çıxmasına imkan verilmir.
Qeyd edək ki, “Şəhre Xəbəre Məlikan” Teleqram kanalının müdiri olan fəal 2019-cu il aprelin 8-də Məlikan şəhərində rejimin ETTELAAT İdarəsinin məmurları tərəfindən yaxalanılıb. Fəal aprelin 13-ü axşam saatlarında ETTELAAT-ın təcridxanasından rejimin Marağada yerləşən zindana köçürülüb.
M.Kuxiyanın yaxınlarının bildirdiyinə görə, fəalın həbsi Məlikanın millət vəkili Salman Xudadadinin müdaxiləsi və sifarişi ilə baş tutub. Həmin deputat və ETTELAAT İdarəsinin onunla bağlı hansı ssenari qurduqları hələlik məlum deyil. Azərbaycanlı fəal bundan öncə başqa bir dosye ilə şərlənərək 18 ay həbs cəzasına məhkum edilmişdi.
