Krım tatarlarının Ukraynada rəhbəri istefaya göndərildi

GADTB-nin Mətbuat Mərkəzinə daxil olan məlumata görə, Mustafa Cəmilov Ukrayna prezidentinin Krım tatar xalqının işləri üzrə səlahiyyətli nümayəndəsi vəzifəsindən azad edilib.

Cəmilov vəzifəsini 18 mayda Pyotr Poroşenkonun əmriylə tərk etsə də, bu barədə informasiya yenicə yayımlanıb.

Yaxın zamanlarda bu vəzifəyə yeni nümayəndənin təyini üçün Krım Tatar Məclisinin xüsusi iclas keçirəcəyi bildirilib.

Qeyd edək ki, Ukrayna prezidentinin Krım tatar xalqının işləri üzrə səlahiyyətli nümayəndəsi vəzifəsi Krımın Rusiyaya ilhaqından dərhal sonra yaradılıb. Tatar türklərinin tarixi yurdu Krım hazırda Rusiyanın işğalındadır.