Ermənistandan Azərbaycanın Laçın və Qubadlı rayonları raket-artilleriya atəşinə tutulur

GADTB-nin Mətbuat Mərkəzinə daxil olan məlumata görə, Ermənistan beynəlxalq qanunları pozaraq Ermənistan ərazisindən Azərbaycanın Laçın və Qubadlı ərazisini raket-artilleriya atəşinə tutur.

Azərbaycan Müdafiə Nazirliyi bildirib ki, Azərbaycan Ordusu bölmələrinin Laçın və Qubadlı istiqamətlərində həyata keçirdiyi əməliyyatların qarşısını almaq məqsədilə Ermənistan növbəti təxribata əl atıb.

Belə ki, hazırda Ermənistanın Gorus və Qafan rayonları ərazisində, dövlət sərhədinə yaxın yerdə döyüş mövqeyi tutan düşmənin raket və artilleriya qurğuları Laçın və Qubadlı ərazilərini güclü atəşə tutur.

Qarşı tərəfin məqsədi Azərbaycan Ordusunu Ermənistan ərazisinə atəş açmağa təhrik etməkdir.