Abxaziyadan Ermənistana 20 terrorçu gəlib

GADTB-nin Mətbuat Mərkəzinə daxil olan məlumata görə, Türkiyə və Azərbaycanı əsassız olaraq Qarabağa “muzdlu döyüşçülər” gətirməkdə ittiham edən terrorçu Ermənistan dövləti muzdlularla əməkdaşlığını açıq-aşkar nümayiş etdirməkdədir.

6 noyabrda Abxaziyadan bir qrup terrorçu Azərbaycana qarşı döyüşmək üçün İrəvana gəlib. “Amşen” adlı “könüllü erməni dəstəsi”nin üzvləri bu gün Ermənistana qaçan Qarabağın baş terrorçusu Araik Arutyunyanla görüşüblər. Bu barədə Arutyunyanın feysbuk səhifəsində paylaşım edilib.

Abxaziya erməni icmasının rəhbəri Qalust Trapizonyan deyib ki, ilkin olaraq 20 nəfər Ermənistana yardım üçün gedib, amma ehtiyac olarsa, yeni dəstələr də döyüş bölgəsinə göndərilə bilər.

Bu fakt bir daha kimin muzlu-terrorçu qruplaşmalarla əməkdaşlıq etdiyini sübut edir.