Ukrayna ordusu 11 yaşayış məntəqəsini azad etdi

Ukrayna Silahlı Qüvvələri Xerson vilayətində 11 yaşayış məntəqəsini azad edib. Bu barədə “Cənub” operativ komandanlığı məlumat yayıb.

“Novovorontsovka, Malaya Şesternya, Novoqriqorovka, Topolinoe, Knyazevka, Krasnovka, Svobodnoe, Kamenka, Priqorye, Koçubeevka, Orlovo əraziləri düşməndən azad edildi”, – məlumatda qeyd olunub.

Bundan başqa Ukrayna ordusu qənimət olaraq tam döyüş komplekti ilə birlikdə T-64 tankı, PDM-2, BMD-2, ZU-2M ələ keçirib.

Həmçinin Ukrayna Kiyevdən şərq və şimal-şərq istiqamətində uğurlu, lakin məhdud əks-hücumlar keçirməyə davam edir. Bu barədə Britaniya Müdafiə Nazirliyinin kəşfiyyat məlumatında qeyd olunub.

 “Ukrayna hərbi qüvvələri Çerniqovdan cənubda yerləşən Sloboda və Lukaşevka kəndlərini azad ediblər. İndi onlar Çerniqov və Kiyev arasındakı əsas təchizat yollarında yerləşiblər”,