GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejiminin həbs etdiyi azərbaycanlı milli fəallar Əyyub və Davud Şiri qardaşları barədə heç bir məlumat verilmir.
Azərbaycanlı milli fəallar Əyyub və Davud Şiri qardaşları mayın 19-da yaxalanandan sonra heç bir məlumat verilmir.
Fəallar yalnız ailələri ilə qısa müddətli telefon əlaqəsində yaxalandıqdan sonra ETEELAAT-ın təcridxanasında saxlandıqlarını demişdilər. Həmçinin onlara bildirmişdilər ki, bir həftəyə vəsiqə qarşılığında zaminə buraxılacaqlar. Lakin onların müvəqqəti həbsi daha bir həftə uzadılıb. Bu isə azərbaycanlı fəalların ailəsinin nigaran qalmasına səbəb olub.
Qeyd edək ki, mayın 19-da Əyyub Şiri özünün iş yerində, Davud Şiri isə məsciddə keçirilən yas mərasimindən çıxdığı zaman həbs olunub və naməlum yerə aparılmışdılar.
Azərbaycanlı fəallar Şiri qardaşları 6 aylıq həbs cəzalarını Təbriz zindanında çəkdikdən sonra 23 avqust 2021-ci ildə sərbəst buraxılmışdılar.
