GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Fransa KİV-i Türkiyə PUA-ları və onların önəmindən yazıb.
Fransanın “Francetvinfo” saytı yazıb ki, Türkiyə “Bayraqdar” PUA-ları ilə ciddi şəkildə gəlir əldə edir.
“Dünyada baş verən müharibələr türk PUA-larının nüfuzunu daha da artırır. Sözügedən PUA-lar Türkiyəni dünyanın bir çox bölgəsində əvəzolunmaz təchizatçı edir. Ukraynada müharibənin ilk günlərində “Bayraqdar TB2”lər Rusiyanın zirehli texnikalarına və ya helikopterlərinə qarşı özünü sübut etdi”, – məlumatda bildirilib.
Sayt eyni zamanda, “Qızıl alma” PUA-sına da toxunub:
“Baykar” şirkəti yeni PUA-lar istehsal etməkdə davam edir. İndi də səsdən sürətli döyüş PUA-sının istehsalına başlayıb. Bu PUA-lar Türkiyə üçün çox mühüm qazanc mənbəyi hesab edilir. Digər tərəfdən, “Bayraqdar TB2” PUA-sının ixracı Türkiyə iqtisadiyyatına təxminən 1 milyard dollar qazandırıb”.
