GADTB-nin Mətbuat Mərkəzinə daxil olan məlumata görə, İranda molla rejiminin himayəsi ilə separatçı Əlikram Hümbətova anım mərasimi keçiriləcək.
Keçən həftə Almaniyada dünyasını dəyişən bu şəxs 90-cı illərdə Rusiya və İranın köməyi ilə Azərbaycanı parçalamağa və qondarma “Talış Muğan Respublikası” yaratmağa cəhd etmiş və Azərbaycan rəhbərliyinin vaxtında gördüyü tədbirlər nəticəsində qarşısı alınmışdı.
Hazırda Qum və Tehran şəhərlərində həmin üzdəniraq hərəkatın tör-töküntülərindən bəziləri İran rejiminin maliyyə və digər imkanları sayəsində “Azərbaycan Hüseyniyyun Hərəkatı” adlanan qondarma hərəkatı ortaya atıb, İran və Ermənistan rejimlərinin dəstəyi ilə Azərbaycana qarşı planlar hazırlayırlar.