GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, mayın 12-də Təbrizin Səhənd stadionunda Güney Azərbaycanın “Traxtur” klubunun Mazandaranın “Nəssaci” klubu ilə görüşündə fars şovinizmi əleyhinə aksiya keçirilib. Qaldırılan banerlər, Azərbaycan, əl-Əhvaz və Bəlucistan xalqlarının birliyini əks etdirən şüarlar İranda qeyri-fars xalqlarının birgə mübarizəsinin yeni dövrünün başlanmasından xəbər verir.
“Qeyri-fars xalqlarının fars şovinizminə qarşı birliyi. Azərbaycan. Əl-Əhvaz, Bəlucistan. İnsanlara azadlıq, millətlərə istiqlal” məzmunlu baner bu qəbildən olan aksiyalarda ilk sayılır.
Bundan öncə bir sıra radikal qruplar, təşkilatlar İranda yaşayan qeyri-fars xalqlarının birliyinə xələl gətirən torpaq iddiaları edib, reallığa uyğun olmayan xəritələr yaymaqla fars şovinizminə qarşı birgə mübarizəyə kölgə salıb.
Mayın 12-də Təbrizdə qaldırılan banerlər, Azərbaycan, Əl-Əhvaz və Bəlucistan xalqlarının birliyini əks etdirən şüarlar İranda qeyri-fars xalqlarının birgə mübarizəsinin yeni dövrünün başlanmasından xəbər verir.
