GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, mayın 19-da Güney Azərbaycanın Nəmin bölgəsində yerləşən Fındıqlı meşə parkında hökumət məmuru ilə vətəndaşlar arasında baş verən qarşıdurma nəticəsində 5 azərbaycanlı həbs edilib.
Ərdəbil vilayətində rejimin polis rəisi Cavad Təqəvi bununla bağlı məlumat yayıb.
Molla rejimin məmurları meşə parkında dincələn gənc qadınların geyim tərzlərinə irad bildirib, onları təhqir edib.
Bu, qadınların ailə üzvlərinin etirazlarına səbəb olub və məmurlarla onlar arasında qarşıdurma baş verdikdən sonra bölgəyə çağrılan əlavə polis qüvvələri ailələrin 5 kişi üzvünü həbs ediblər.
