Sulduzda kürd terrorçuların törətdiyi soyqırım qurbanlarının xatirəsi anılıb

GADTB: Dünən Sulduzda kürd terrorçuların törətdiyi soyqırım qurbanlarının xatirəsi anılıb.

Güney Azərbaycan Mili Hərəkatının fəallarından bir qrupu aprel ayının 19-da Sulduz əhalisinin terrorist qruplar tərəfindən soyqırımının ildönümü ilə bağlı onların məzarı üzərində anım mərasimi keçiriblər.

Azərbaycanlı fəallar soyqırıma məruz qalmış insanların dəfn edildiyi məzara toplaşaraq Kürdüstan Demokrat Partiyası tərəfindən qətlə yetirilən azarbaycanlıların xatirəsini yad ediblər.

Məzarların üstünə güllər qoyularaq “1979-cu il Sulduz soyqırımı unudulmaz!”,  “ölüm olsun terrorizmə, şəhidlər ölməz!” və “vətən canım sənə fəda!” yazılı banerlər qaldırılıb.

Qeyd edək ki, Kürdüstan Demokrat Partiyası 1979-cu ildə Əbdül Rahman Qasımlunun başçılığı ilə Güney Azərbaycanın əzəli və tarixi torpaqlarına göz tikməklə kürdlərə muxtariyyət tələbi ilə Sulduzda silahlı hücuma keçib. Nəticədə dinc azərbaycanlı əhalidən çox sayda insan həmin hücumun qurbanı olub.