GADTB Güney Azərbaycan Demokratik Türk Birliyi
GADTB: Təbriz əhalinin vergi pulu ilə alınan Təbriz metrosu üçün alınan metro vaqonları İsfahan şəhərinə aparılıb.
Bu barədə Təbrizin “Saqi Azərbaycan” nəşri Təbriz Şəhər Şurasındakı mənbələrinə istinadən məlumat yayıb.
“Azərbaycanlıların vergi ödənişləri və Şərqi Azərbaycan əyalətinin büdcəsi hesabına alınan vaqonlar İsfahana köçürülüb. Növbə Təbrizin ictimai nəqliyyatındadır, istifadəyə yararlı avtobusların da İsfahan şəhərinə veriləcəyi barədə xəbər təəccübləndirməyəcək”.
Qeyd edək ki, bundan əvvəl 2022-ci ildə də Təbriz metrosu üçün alınmış vaqonlar Şiraz şəhərinə verilmişdi.
Təbriz metrosunun tikintisinə 20 il bundan öncə İsfahan, Şiraz və Məşhəd şəhərlərinin metrolarından daha tez başlanılıb. Ancaq adıçəkilən şəhərlərin metrolarının əsas xətlərinin hamısının hazır olmasına baxmayaraq, Təbriz metrosunun tikintisi müxtəlif bəhanələrlə gecikdirilib.
