GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, qonşusu İran adlanan ölkə ilə sıx iqtisadi əlaqələrini inkişaf etdirən İraq ABŞ sanksiyalarından sonra öz iqtisadiyyatını ərəb ölkələrinə doğru yönəltməyə başlayacaq. Bunu “RİA Novosti” agentliyinə açıqlamasında iraqlı deputat Hamed əl Mütləq deyib.
“İraqın öz qonşusu ilə əməkdaşlığına faktiki olaraq qadağanın qoyulması onun iqtisadiyyatında öz əksini tapacaq. İraqlılar xarici ticarət və maliyyə əməliyyatlarının aparılması üçün digər imkanlar axtarmalı olacaqlar. İrana qarşı sanksiyaların tətbiqi digər qonşu dövlətlərlə ticarətin inkişafına stimul ola bilər. Bu, xüsusilə özünü körfəz ölkələri ilə əlaqələrdə göstərəcək. Dollar dünya valyutasıdır və İraq üçün bu valyutanın heç bir alternativi yoxdur”, – deyə o bildirib.
