GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ABŞ Silahlı Qüvvələri İraqdakı Kətaib Hizbullah və Həşdişəbi qruplaşmasının silah anbarlarına və hərbi bazalarına zərbə endirib.
ABŞ Müdafiə Nazirliyinin məlumatın 11 hərbi bazasının dağıdıldığı bildirilir. Əsasən İraqın əksər bölgələrində və Suriyada hərbi bazalar bombalanıb.
Bu zərbələrin İraqda ABŞ bazalarına edilən hücuma cavab olaraq endirildiyi bildirilib.
Qeyd edək ki, bundan öncə İrana bağlı terrorçular ABŞ-ın Taci bazasına hücum etmişdilər. Nəticədə 2 ABŞ əsgəri ölüb, 12 nəfər isə yaralanıb. Pentaqon hücumda 1 Britaniya əsgərinin də öldüyünü bildirib.
Pentaqon rəhbəri Mark Esper isə bildirib ki, hücumu həyata keçirən qüvvələrin cəzalandırılması üçün bütün seçimlər masadadır. Onun sözlərinə görə, hücumu İranın dəstək verdiyi qruplaşmalar həyata keçirib.
