Çərşənbə axşamı , Noyabr 17 2026
azfa

ABŞ irqçi fars rejimə xəbərdarlıq etdi

GADTB-nin Mətbuat Mərkəzinə daxil olan məlumata görə, Amerika Birləşmiş Ştatlarının Müdafiə nazirinin səlahiyyətlərinin icraçısı Patrik Şanahan deyib ki, biz Amerika hərbçilərinə və ya milli mənafeyimizə qarşı baş tutacaq hər bir hücuma görə İranı məsul bilirik.

Şanahan ölkəsinin körfəzə təyyarə daşıyan gəmi göndərməsinə münasibət bildirib. Qeyd edib ki, bu qərar İranın hərbi təhdidləri səbəbindən qəbul edilib. Şanahan bu təhdidlərin nədən ibarət olduğunun detallarını açıqlamasa da, rəsmi Tehrandan təxribatçı addımlardan əl çəkməyi tələb edib.

Onun bu açıqlaması rəsmi Vaşinqtonla Tehran arasında yeni ziddiyyətlərin kəskinləşdiyi vaxt verilib. Bu gərginlik Amerikanın “USS Abraham Lincoln” təyyarədaşıyan gəmisini və Hərbi Hava Qüvvələrinə məxsus qırıcıları Ərəb dənizi və körfəzə göndərməsi ilə öz kulminasiya nöqtəsinə çatıb.

Məsələyə münasibət bildirən ABŞ prezidentinin Milli təhlükəsizlik məsələləri üzrə məsləhətçisi Con Bolton və Dövlət Departamentinin rəhbəri Mayk Pompeo da Abraham “Lincoln” gəmisinin bölgəyə göndərilməsinin səbəbinin İrana açıq bir mesaj olduğunu bəyan ediblər.

Həmçinin yoxlayın

ABŞ-ın “Ruzvelt” aviadaşıyan gəmisi Yaxın Şərqə daxil olub

GADTB: “Aksios” nəşrindən sonra Birləşmiş Ərəb Əmirliklərinin “The National” jurnalı və “Jerusalem Post” qəzeti də …

İrqçi fars rejiminin parlamenti xarici ölkələrin media qurumları ilə əməkdaşlığı cinayət hesab edir

GADTB: İran parlamenti media məkanının məhdudlaşdırılması və informasiyanın sərbəst yayılmasına qarşı təzyiqlərin gücləndirilməsi istiqamətində atdığı …

Bir cavab yazın