ABŞ terrorçu YPG-yə görə Türkiyə ilə savaşmayacağını deyir

GADTB-nin Mətbuat Mərkəzinə daxil olan məlumata görə, ABŞ Müdafiə naziri Mark Esper CNN-ə müsahibəsində deyib ki, Suriya kürd qüvvələri ucbatından ABŞ və Türkiyə arasında hərbi konflikt yaşanması mümkünsüzdür.

Onun sözlərinə görə, ABŞ Suriyaya SDQ-ni NATO müttəfiqindən müdafiə etmək üçün qoşulmayıb. O, ABŞ-ın NATO-dakı müttəfiqləri ilə savaşmağa hazırlaşmadığını deyib.

Esper həmçinin Türkiyənin “Sülh çeşməsi” əməliyyatını keçirdiyi ərazidəki həbsxanalarda 11 min döyüşçünün olduğunu və onlardan yalnız 100-nün qaçdığını söyləyib.