GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ağ Evin Milli Təhlükəsizlik Şurasının sözçüsü Con Kerbi deyib ki, rəsmi Vaşinqton nüvə anlaşmasının bərpası üçün Sepah-ı terror təşkilatları siyahısından çıxarmaq niyyətində deyil.
O, bu barədə avqustun 2-də mətbuat konfransında bildirib ki, İran rejimi terrorizmə və regiondakı terror şəbəkələrinə dəstək verir.
Kerbi sonda iki gün öncə Amerika tərəfindən Kabildə öldürülən Əl-Qaidə rəhbəri Əymən Əl-Zəvahiri haqqında danışarkən qeyd edib ki, rəsmi Vaşinqton Əfqanıstanın terror yuvasına çevrilməsinə icazə verməyəcək.
Qeyd edək ki, İran rejimi region ölkələrində terror təşkilatı olan Sepah vasitəsilə terrorçu qruplar yaradıb, onları maliyələşdirməklə yanaşı, həm də PKK və Hizbulla kimi bir sıra terror təşkilarını da daimi silah və maliyyə ilə təmin edir.
