GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Arsenal futbol klubunun əfsanəvi oyunçusu Toni Adams Təbrizin Traxtur klubuna tərif yağdırdı.
Məşhurf futbolçu İran televiziyasının 3-cü kanalından yayınlanan “Avro 2020” proqramının canlı yayımına qoşularaq Traxtur futbol klubu, tərəfdarları və onun rəhbərliyi haqqında xoş sözlər danışıb.
Əfsanəvi oyunçu Traxtur barədə reallıqları deməsi və komandanın ünvanına xoş sözlər deməsi irqçi farslar, eləcə də aparıcıların qısqanclığı ilə qarşılaşıb.
Proqramın əvvəlində Toni Adamsa “İranda sizin və Arsenalın tərəfdarları çoxdur” deyən aparıcının danışıq tərzi dəyişib.
Aparıcının “cənab Adams, İran futbolu haqqında tanışlığınızdan danışmaq istəyirsinizsə buyurun” təklifindən sonra Toni Adams deyib: “əlbəttə, mən 6 il Azərbaycanda olmuşam və Traxtur komandasını tanıyıram”.
Əfsanəvi oyunçu həmçinin deyib: “Mənim orada çox dostlarım var, Traxtur klubunun başçısı və onun yaxınları ilə dostam. Onların futbola olan marağı və həyəcanı inanılmazdır. Onlar mənim tanıdığım ən çılğın və yorulmaz azarkeşlərdirlər”.
Toni Adamsın bu sözlərindən sonra aparıcı tərcüməçi tərəfindən onun bütün dediklərinin tərcümə olunmasına imkan verməyib və canlı bağlantını dərhal sona çatdırıb.
