GADTB Güney Azərbaycan Demokratik Türk Birliyi
GADTB: Avropa Birliyi İranda uranın sürətli və yüksək saflıqda zənginləşdirmənin davam etdirilməsindən ciddi narahatdır və İslam Respublikasının nüvə silahı əldə etmək ehtimalına qarşıdır.
Bu barədə Avropa Birliyinin Beynəlxalq Atom Enerjisi Agentliyindəki nümayəndəliyinin bəyanatında deyilib.
Bəyanatda Avropa Birliyi bu məsələni beynəlxalq təhlükəsizlik sahəsində əsas prioritet adlandırıb və bütün ölkələrdən BMT Təhlükəsizlik Şurasının Birgə Hərtərəfli Fəaliyyət Planına (JCPOA) nəzarət edən 2231 saylı qətnaməsinin icrasına, o cümlədən MAQATE-nin İranın nüvə fəaliyyətlərinin monitorinqi üçün şərtlərin yüngülləşdirilməsinə dəstək vermələrini xahiş edib.
Bununla yanaşı bəyanatda İranın JCPOA öhdəliklərinə qayıtmaq üçün lazımi qərarların qəbul edilməsində süründürməçiliyi təəssüflə qarşılanıb və Tehranın son 5 ildə nüvə fəaliyyətləri sahəsində davamlı irəliləyişləri ciddi narahatlıq kimi qiymətləndirilib.
Avropa Birliyi diplomatik həll yoluna sadiq qaldığını vurğulamaqla yanaşı, İranın nüvə fəaliyyətlərinin genişlənməsinin regionda nüvə silahı böhranı yaratma riskini artıracağı ilə bağlı xəbərdarlıq edib.
“Uranın zənginləşdirilməsinin sürətinin və saflığının İranda əhəmiyyətli dərəcədə artması və onun toplanmasına İslam Respublikasının JCPOA öhdəliklərindən ciddi şəkildə uzaqlaşdığına işarədir və bu dərin narahatlığa səbəb olur”,- bəyanatda vurğulanıb.
