Azərbaycanlı milli fəal Şahin Bərzgər barəsində məhkəmə qərarı çıxarıldı

GADTB-nin Mətbuat Mərkəzinə daxil olan məlumata görə, irqçi fars rejimin məmurlarının yaxaladığı azərbaycanlı milli-mədəni fəallar Şahin Bərzgərə qarşı irəli sürülən ittihamların biri barədə məhkəmə qərarı çıxarılıb.

Qeyd edək ki, irqçi fars rejimin məmurları Təbriz şəhərindən olan azərbaycanlı milli-mədəni fəal Şahin Bərzgəri iyulun 22-i, axşam saatlarında yaxalayıb. Hazırda o girov qarşılığında məhkəmə vaxtına qədər zaminə buraxılıb.

Şahin Bərzgər 2019-cu ilin noyabr ayında benzinin bahalaşmasına qarşı keçirilən kütləvi etirazlarda digər azərbaycanlı milli fəallarla birlikdə Təbrizdə saxlanılmışdı.

Keçən il avqust ayında Şərqi Azərbaycanda Apellyasiya məhkəməsinin 28-ci şöbəsinin qərarı ilə 12 ay həbs cəzasına məhkum edilən azərbaycanlı milli fəalın cəzası 3 aya endirilib və həmin cəza 3 milyon tümən nağd cərimə ilə əvəzlənmişdi.