Çərşənbə axşamı , Mart 19 2024
azfa

Təbrizdə azərbaycanlı siyasi məhbus Ruzbeh Piriyə azadlıq tələb edildi

GADTB-nin Mətbuat Mərkəzinə daxil olan məlumata görə, sentyabrın 18-də Təbrizdə azərbaycanlı milli-mədəni fəallar rejim tərəfindən yaxalanan azərbaycanlı mədəni fəal Ruzbeh Piriyə dəstək aksiyası keçiriblər.

Təbrizli fəallar dentyabrın 18-də şəhərin müxtəlif məhəllələrinin divarlarında şüarlar yazaraq İran hökumətini milli fəalı sərbəst buraxmağa çağırıblar.

Onlar “Ruzbeh Pirini azad edin”, “Ruzbeh Piriyə azadlıq” və “Azərbaycan oğlu Ruzbeh Pirini azad edin” kimi şüarlar yazaraq siyasi məhbusa dəstək verib və onun azadlığını istəyiblər.

Qeyd edək ki, azərbaycanlı milli-mədəni fəal Ruzbeh Piri sentyabrın 9-da Təbriz şəhərində rejimin təhlükəsizlik məmurları tərəfindən yaxalanıb.

Ruzbeh Piri “Təbriz” nəşrinin məsulu olub. O, “Nəvide Etedal” öyrənci təşkilatının qurucusu və “Sultan Mehmet Fateh” kitabının tərcüməçisidir.

O, qardaşı Yaşar Piri ilə 2019-cu ilin noyabr ayında İranda bahalığa qarşı keçirilən etiraz aksiyaları zamanı bir çox azərbaycanlı fəal eyni dövrdə rejimin təhlükəsizlik qüvvələri tərəfindən qanunsuz olaraq yaxalanmışdı.

O “sistemin əleyhinə təbliğat aparmaq” ittihamı ilə məhkəmə tərəfindən 91 gün həbsə məhkum edilmişdi.

İyul ayının 5-də həbs cəzasının müddəti bitdikdən sonra Piri sərbəst buraxılmışdır.

Həmçinin yoxlayın

Ərdəbil ən çox işsizi olan əyalətlər siyahısındadır

GADTB: İran Statistika Mərkəzinin rəsmi məlumatına görə, cari ilin mart ayının sonunadək olan dövrdə qadınların …

Ana dilinə görə rejimin həbs etdiyi milli fəal Evin zindanında acınacaqlı şəraitdə həbsdə saxlanılır

GADTB-nin Mətbuat Mərkəzinə daxil lan məlumata görə, ana dilinə göörə molla rejimin həbs etdiyi və …