GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, aprelin 20-də Azərbaycan Respublikasının Prezidenti İlham Əliyevin və Qırğızıstan Respublikasının Prezidenti Sadır Japarovun geniş tərkibdə görüşü keçirilib.
S.Çaparov rəsmi təmaslar üçün getdiyi Azərbaycanın paytaxtı Bakıda Prezident İlham Əliyev tərəfindən mərasimlə qarşılanıb.
Mərasimdən sonra Əliyev və Çaparovun nümayəndə heyətləri arasında və təkbətək görüşü olub.
Əliyev təkbətək görüşdəki çıxışında Qırğızıstanla bütün sahələrdə fəal qarşılıqlı əlaqəni davam etdirmək əzmində olduqlarını vurğulayıb.
Qırğızıstan və Azərbaycan xalqlarının qardaş olduğunu deyən Əliyev iqtisadi əməkdaşlıq, nəqliyyat, ticarət həcminin artırılması, regional təhlükəsizlik kimi məsələlərin iki ölkənin gündəmində olduğunu qeyd edib.
Qırğızıstan Prezidenti Çaparov azərbaycanlı qardaşlarla əməkdaşlığa hər zaman hazır olduqlarını vurğulayıb.
Danışıqlardan sonra Əliyev və Çaparov “Azərbaycan və Qırğızıstan arasında strateji tərəfdaşlıq haqqında Bəyannamə”ni və iki ölkə arasında dövlətlərarası şuranın yaradılması haqqında memorandumu imzalayıblar.
Azərbaycan və Qırğızıstan arasında təhsil, media, kənd təsərrüfatı, rabitə, hava əlaqəsi, müəlliflik hüququ və maliyyə sahəsində sazişlər müvafiq nazirliklər və səlahiyyətli orqanlar tərəfindən imzalanıb.
