GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanda Azərbaycan öyrənci hərəkatını silmvolik müdafiə məqsədilə azərbaycanlı fəallar Təbrizdə türkcə uşaq kitabları paylayıblar.
Bir qrup mədəni fəal sentyabrın 9-da Təbrizdə uşaqlara türk dilində kitablar paylayıblar.
Paylanılan uşaq kitablarının üzərində “Yaşasın Azərbaycan, yaşasın Türkiyə, Qarabağ Azərbaycandır” sözləri yazılıb.
Qeyd edək ki, bu simvolik hərəkət eyni zamanda Antalyanın Akdeniz Universitetindən hüquq üzrə doktorant azərbaycanlı öyrənci Əli Həmzəzadənin Güney Azərbaycanda ana dili və mədəni hüquqlar diqqət çəkmək üçün başlatdığı velosiped yürüşünə dəstək məqsədi daşıyır.
Əli Həmzəzadə 21 iyul tarixində “özgürlük yolçusu” adı altında Antalyadan Qarabağa doğru velosipedlə yürüşı başlamışdı.
Güney Azərbaycanın Əhər şəhərindən olan azərbaycanlı gənc velosipedçi, yürüş boyu Azərbaycanın, Türkiyənin və Güney Azərbaycanın Traxtur komandasının bayraqlarını daşıyırdı.
