GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı ictimai fəal Ramin Qaşqayi Qorbaçi Qəzvin şəhərinin rejimin İnqilab Məhkəməsi tərəfindən 6 il həbs cəzasına məhkum edilib.
Azərbaycanlı fəala qarşı “hökumət əleyhinə təbliğat” və “ölkənin milli təhlükəsizliyinə zərbə vurmaq məqsədilə toplaşmaq və əlbir olmaq” ittihamları irəli sürülüb.
Həbs cəzası ilə yanaşı, Ramin Qaşqayi Qorbaçinin iki il müddətinə ölkədən çıxışına qadağa qoyulub. O, həbsdən sonra iki il Sistan və Bəlucistan əyalətində sürgün cəzasına məhkum edilib.
Qeyd edək ki, azərbaycanlı fəal 12 mart 2023-cü ildə Qəzvin şəhərində rejimin məmurları tərəfindən yaxalanıb. O, may ayının əvvəllərində girov qarşılığında müvəqqəti olaraq məhkəməyə qədər Qəzvinin Çubindər həbsxanasından azadlığa buraxılmışdır.
