Azərbaycanlı fəallar Sulduzda divarlara milli şüarlar yazıblar

GADTB-nin Mətbuat Mərkəzinə daxil olan məlumata görə, Güney Azərbaycanın Sulduz şəhərində azərbaycanlı fəallar divarlara milli şüarlar yazıblar.

Onlar bu vasitə ilə molla rejimin Güney Azərbaycana qarşı müstəmləkəçilik və ayrı-seçkilik siyasətinə, eləcə də qadın hüquqlarını pozmasına etiraz ediblər.

İran rejiminin Güney Azərbaycan bölgəsinə və millətinə qarşı ayrı-seçkilik və şovinist siyasətinə, milli-ictimai fəalların həbs edilməsinə etiraz edən güneyli fəallar divarlara şüarlar yazıblar.

Onlar divarlara “Azadlıq, Ədalət, Milli Hökumət”, “Azərbaycan qızları, göylərin ulduzları” və s. şüarlar yazıblar.