GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Zəngan şəhərində bir qrup azərbaycanlı milli fəal İran hökumətinin məzlum millətlərə, xüsusən də Güney Azərbaycanda yaşayan Azərbaycan türk millətinə qarşı qərəzli və müstəmləkə siyasətinə etiraz olaraq şəhərdə banner quraşdırıblar.
Azərbaycanlı fəalların şəhərdə quraşdırdığı etiraz bannerində yazılıb:
“Məzlum xalqların mədənlərini və təbii sərvətlərini talamaq, şər dolu paniranizm sistemi tərəfindən Urmiya gölü kimi təbii ekosistemlərin məhv edilməsi nəticəsində iqlim dəyişikliyini, yandırılmış torpaq strategiyasının və məcburi köç planının məzlum xalqların coğrafiyasında həyata keçirilməsini pisləyirik”.
Qeyd edək ki, azərbaycanlı fəallar son illərdə Güney Azərbaycanın müxtəlif şəhərlərində belə bannerlər quraşdırmaqla irqçi fars-molla rejimin Azərbaycana qarşı müstəmləkə siyasətinə etiraz edirlər.
