Azərbaycanlı siyasi məhbus aclıq aksiyası keçirir

GADTB-nin Mətbuat Mərkəzinə daxil olan məlumata görə, azərbaycanlı siyasi məhbus Hamid Qaraoğlani aclıq aksiyası keçirir.

13 il həbsə məhkum edilən və hazırda Urmiya zindanında həbsdə saxlanılan azərbaycanlı siyasi məhbus Hamid Qaraoğlani tələblərinin yerinə yetirilmədiyi üçün aclıq aksiyası keçirir.

5 ilə yaxındır həbsdə saxlanılan Qaraoğlani, şərti azadlığa buraxılması barədə müraciətlərinin cavabsız qalmasına etiraz olaraq aclıq edir. Azərbaycanlı məhbus yanvarın 13-dən aclıq aksiyasına başlayıb.

Onun aclıq aksiyası keçirdiyi üçün sağlamlıq durumunun ağır olduğu və bundan əlavə, onun zindan rəhbərliyinin təzyiqi altında olduğu bildirilir.