Azərbaycanlı siyasi məhbus Behnam Şeyxi məzuniyyətə buraxıldı

GADTB-nin Mətbuat Mərkəzinə daxil olan məlumata görə, Tehranın Evin zindanında 2 illik həbs cəzasını çəkməkdə olan Behnam Şeyxi vəsiqə qarşılığında iyunun 15-də 3 günlük məzuniyyətə buraxılıb.

Qeyd edək ki, azərbaycanlı fəallar Əkbər Azad, Əlirza Fərşi, Behnam Şeyxi və Həmid Manafi Nadarlını 2014-cü ildə Tehranın yaxınlığında yerləşən Nəsimşəhrdə Beynəlxalq Ana Dili Günü mərasiminə qatıldıqları üçün yaxalayıb, bir neçə gün sonra zaminə buraxmışdırlar.

Həmin azərbaycanlı fəallar rejimin Baharistandakı İnqilab Məhkəməsinin 1-ci şöbəsi tərəfindən toplam olaraq 45 il həbs və 8 il sürgün cəzasına məhkum edilmişdilər.

Nəhayət Tehran Apellyasi Məhkəməsinin 54-cü şöbəsi heç bir günahı olmayan həmin fəalların hər birini 2 il həbs və 2 il sürgün cəzasına məhkum edib.