Beynəlxalq Türkcə Şeir Festivalı Daşkənddə başlayıb

GADTB: Özbəkistanın paytaxtı Daşkənddə Beynəlxalq Türkcə Şeir Festivalı başlayıb.

Türkiyənin Mədəniyyət və Turizm Nazirliyi, Türk Əməkdaşlıq və Koordinasiya Agentliyi (TİKA), Ankara Sosial Elmlər Universiteti, Beynəlxalq Türk Mədəniyyəti Təşkilatı (TÜRKSOY) və Özbəkistanın dəstəyi ilə Daşkənddə “16-cı Beynəlxalq Türkcə Şeir Festivalı” başlayıb. Türk dünyası və Balkanlar da daxil olmaqla, Yazıçılar Birliyi 100-ə yaxın şair tədbirdə iştirak edir.

Özbəkistan Yazıçılar Birliyinin ev sahibliyi etdiyi və Birlik binasında keçirilən tədbirdən əvvəl iştirakçılar məşhur özbək şairi Əlişir Nəvainin heykəli önünə əklil qoyublar.

Ankara Sosial Elmlər Universitetinin rektoru, Türkiyə Yazıçılar Birliyinin sədri, professor doktor Musa Kazım Arıcan da şeir festivalının Özbəkistanda ilk dəfə keçirildiyini bildirib.

Türkiyə Yazarlar Birliyinin təşəbbüsü ilə 1992-ci ildə başlayan və iki ildən bir keçirilən Beynəlxalq Türkcə Şiir Festivalı türk dünyasında müxtəlif coğrafiyalarda yaşayan və müxtəlif ləhcələrdə əsərlər yazan yüzlərlə şairin iştirak etdiyi tədbirlərdən biridir.

Noyabrın 30-dək davam edəcək festival çərçivəsində poeziya məşğələləri, konsertlər, şeir bölmələri və kitab təbliğatı tədbirləri təşkil olunacaq.