GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, dünən aprel ayının 17-də əhalisinin əksəri türklərdən ibarət olan Çarmahal və Bəxtiyarinin Saman şəhərində əhali yürüş keçirərək, rejimin bu bölgənin suyunu İsfahan şəhərinə yönləndrməsinə kəskin etiraz ediblər.
İrqçi fars rejiminin bu siyasətinə etiraz edən əhali rejimə və yerli məsullara qarşı şüarlar səsləndirərək, Saman şəhərinin suyunun İsfahana yönləndirməsinə kəskin etiraz bildiriblər. Vilayət əhalisini birləşməyə dəvət edən yürüş iştirakçıları, insanları rejimin bu siyasətinin qarşısında dayanmağa çağırıblar.
Qeyd edək ki, irqçi fars rejimi qeyri-farsların ərazisindən çayları fars bölgələri, o cümlədən İsfahana yönəldir. Bu da yerli əhalinin etirazlarına səbəb olur.
