GADTB Güney Azərbaycan Demokratik Türk Birliyi
GADTB: “Financial Times” qəzeti iki Qərb ölkəsinin təhlükəsizlik mənbəsinə istinadən yazıb ki, raket yanacağı xammalı daşıyan iki İran yük gəmisi yaxın bir neçə gün ərzində Çindən İrana yola düşəcək.
Bildirilib ki, İranın “Qolbən” və “Ceyran” gəmilərinin min tondan çox natrium perxlorat daşıması gözlənilir.
Qəzetdə bildirilib ki, gəminin yükləri SEPAH-a çatıdırılacaq. 34 konteyner daşıyan “Qolbən” və 22 konteyner daşıyan “Ceyran” gəmisi üç həftədən sonra Bəndər Abbas limanına çatacaq.
Bildirilir ki, İran bayraqlı “Qolbon” və “Ceyran” gəmiləri bərk raket yanacağının əsas komponenti olan ammonium perkloratın istehsalında istifadə edilən min tondan çox natrium perklorat daşıya bilər. Nəşrin mənbələri iddia edir ki, son nəticə 1,3 min ton raket yanacağı ola bilər ki, bu da İranın 260 orta mənzilli raketini yanacaqla təmin edə bilər.
Mənbələrin məlumatına görə, yük İslam İnqilabı Keşikçiləri Korpusu (SEPAH) üçün nəzərdə tutulub. Onların versiyasına görə, 34 konteyner kimyəvi maddə Taicang limanında (Tszyansu əyaləti) “Qolbon”a yüklənib, sonra isə yanvarın 21-də gəmi Çinin Daişan qraflığının (Çjetszyan əyaləti) sahilindən yola düşüb. “Qolbon”un təyinat yeri İranın Bəndər Abbas limanıdır.
“Ceyran”ın isə 34 konteynerlə Çini fevralın əvvəlində tərk etməsi planlaşdırılır. Hər iki gəminin səfəri üç həftə çəkəcək və onların yolda başqa limanlara yan almaları gözlənilmir.
Mənbələr Çin rəsmilərinin bu çatdırılmalardan xəbəri olub-olmadığını bilmədiklərini açıqlayıblar.
İran hökuməti bu məlumatı şərh etməkdən imtina edib. Çinin Vaşinqtondakı səfirliyi məsələdən xəbərsiz olduğunu bildirib və Pekinin hər zaman Yaxın Şərq və Fars körfəzində sülh və sabitliyin qorunmasına sadiq olduğunu vurğulayıb.
