ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقه‌لر دئپارتامئنتینین صدری سایین میکائیل بی اویتانین آوسترالییا خاریجی ایشلر ناظری پئننی وونقا کانادانین سون گونلر ایرانین اینقیلاب کئشیک‌چیلری کورپوسونو (سپاه) تئررور تشکیلاتی کیمی تانینماسینا توخوناراق، سپاهی تئررور تشکیلاتی کیمی تنیماق ضرورتی باره‌ده مکتوبونا جاواب گلیب.
حؤرمتلی اویتا بی
کانادانین ایسلام اینقیلابی کئشیک‌چیلری کورپوسونو (سپاه) تئررور تشکیلاتی کیمی تعیین ائتمک قرارینا و آوسترالییادان نومونه گؤتورمه یی خواهیش ائتمه‌سی ایله باغلی ۲۷ ایون تاریخلی مکتوبونوزا گؤره تشکور ائدیریک. من خاریجی ایشلر ناظری، سئناتور حؤرمتلی پئننی وونقون آدین‌دان جاواب وئریرم.
آوسترالییا حکومتی سپاهی بئینا لخالق تهلوکه‌سیزلییه و ایرانین اؤز خالقینا تهدید تشکیل ائتمه‌سی ایله باغلی ناراحاتلیغینیزی بؤلوشور. بیز ایران اینقیلابی کئشیک‌چیلری کورپوسونون پروبلئم‌لی و ثابت‌لیگی پوزان داورانیشینی، او جمله‌دن اینسان حاقلارینی کوبود شکیل‌ده پوزماسینی و رئگیونال سلاح‌لی قروپلارا دسته یینی وورغولاماق‌دا فعال و آردیجیل اولموشوق…
بونونلا بئله، آوسترالییا حکومتی سپاه-آ قارشی معنالی تدبیرلر گؤرمک و اونون داورانیشینین نتیجه‌لری ایله اوزلشمه‌سینی تامین ائتمک اوچون الین‌ده اولان واسطه‌لردن ایستیفاده ائدیب. آوسترالییا ۲۰۱۰-جو ایلدن بری بوتؤولوک‌ده سپاه-آ قارشی سانکسییالار تطبیق ائدیر. بون‌دان علاوه، ایرانین ۲۰۲۲-جی ایلین سئنتیابرین‌دا اعتراضلاری زوراکی‌لیقلا یاتیرماسین‌دان سونرا حکومت ۸۰-دن چوخ سپاه-آ باغلی فیزیکی و قوروما سانکسییا قویوب…
آوسترالییا حکومتی ایران خالقینین اینسان حاقلارینی دستکله‌مک اوچون گوجلو مدافعه ائتمه‌یه داوام ائد‌ه جک.
بو معلوماتین فایدالی اولاجاغینا اینانیرام.
حؤرمتله
گئما هوگینس
کاتیب کؤمک‌چی‌سی
یاخین شرق شعبه‌سی، یاخین شرق و آفریکا بؤلمه‌سی
خاریجی ایشلر و تیجارت دئپارتامئنتی
مکتوبون تام متنینی اینگیلیسجه تقدیم ائدیریک:
