جمعه , مارس 29 2024
azfa

محمد رحمانی فر: شیخ محمد خیابانی ایله میرزا کوچک‌خان جنگلی-نی توتوشدورارکن

گادتب: عباس میرزا چاغیندان بری گئری قالماغیمیزین ندن‌لرینی دوشونن آیدین‌لارین چوخو آذربایجانلی ایدیلر. آنجاق، بیردن بیره گلمیشمیش اؤلکه‌لر ایله هابئله مودئرن دوشونجه‌لر ایله تانیشان آذربایجان آیدین‌لاری، بریتانیا هابئله بریتانیانین یاراتدیغی “دوغو هندوستان کومپانیسی”-نین ایره‌لی سوردوک‌لری سیاست‌لرین نتیجه‌سینده فارسچی‌لاشمیشدیلار (بو چوخ گئنیش بیر قونودور). بونا گؤره ده، فارسچیلیق آذربایجان‌دا داها یایقین ایدی! آچیقجاسی، دوشمن بیزی اؤز ایچیمیزدن و اؤز الیمیزله یوخ ائتمه‌یه چالیشمیشدی.

سون زامان‌لاردا فارسچی‌لار، آذربایجان قهرمانی ساییلان شیخ محمد خیابانی‌نین فارسچی اولدوغونو دیله گتیرمکده‌دیرلر. فارسچی‌لارین اویدورمالارینا هابئله قارایاخمالارینا باخمایاراق، خیابانی-نی فارسچی آدلاندیرماق اولماز. آنجاق، او دا فارسچی‌لاشمیش بیر چئوره‌ده (آذربایجان مشروطه‌چی‌لری ایچینده) یئتیشمیش و آیاغا قالخمیشدی. آذربایجان اوغروندا جاندان کئچمه‌یه حاضیر اولان خیابانی، تورک عوثمانلی سیاست‌لرینه قارشی چیخمیش و آچدیغی مدرسه‌لرده فارسجا، روسجا، فرانسیزجانین درس وئریلدییینه باخمایاراق تورکجه‌نین تدریسینه یئر وئرمه‌میشدی.

تاریخیمیز آجی طنزلرله دولودور. شیخ محمد خیابانی کیمی بیر آذربایجان تورکو عوثمانلی‌لارین ایره‌لی سوردورمک ایسته‌دیک‌لری اتحاد اسلام سیاستینه قارشی چیخیر آما دوز او زاماندا میرزا کوچک خان کیمی گیلک کؤکنلی بیر شیخ بو سیاست اوغروندا ۵ ایلدن چوخ هم قلمی ایله هم سیلاحی ایله ساواشیر. اونون بو سیاست‌لرینه ده لاپ بؤیوک ضربه‌نی یئنه ‌ده قوزئی آذربایجان‌دان گلمیش اولان تورک کومونیست‌لر ووردولار! آچیقجاسی، کومونیست‌لر ایلک اؤنجه جنگل حرکتینین ایدئولوژیسینی دییشدیردیلر، داها سونرا دا بو حرکتین ایچینده‌ یارانان ایکی‌لیک‌لردن دولایی بو حرکتی یئنیلگی‌یه اوغراتدیلار.

ی س: بو یازی شیخ‌محمد خیابانی کیمی شخصیت‌لریمیزی تخریب ائتمک آماجی ایله یازیلمامیش، ترسینه، تاریخیمیزی دوغرو دوزگون بیلیب اوندان درس آلماق آماجی ایله یازیلمیش‌دیر. تاریخی شخصیت‌لریمیز بؤیوک ایشلر گؤرموشلر، آنجاق، بؤیوک اشتباه‌لارا دا یول وئرمیشلر. اونلاری سئویب یاخود قیناماق یئرینه اونلاری اولدوقلاری کیمی تانیمالیییق. بونو دا اونوتمامالیییق کی اونلار بیزیم تاریخی شخصیت‌لریمیزلردیرلر. اونلارین باشاری‌لاری بیزیم تاریخی باشاری‌لاریمیزدیر. اشتباه‌لاری ایسه بیزیم تاریخی اشتباه‌لاریمیزدیر.

دوباره امتحان کنید

بازی کودکانه سرویس‌های اطلاعاتی رژیم ایران علیه حرکت ملی آزربایجان

گادتب: به گزارش مرکز گادتب به نقل از برخی سایتهای آذربایجان جنوبی،  گروه تروریستی حسینیون …

تحصن اهالی روستای زرشوران تکاب مقابل معدن طلای زرشوران

گادتب: اهالی روستای زرشوران شهرستان تکاب(تیکان تپه) آزربایجان روز سه شنبه ۷ فروردین ۱۴۰۳ در …

دیدگاهتان را بنویسید