GADTB Güney Azərbaycan Demokratik Türk Birliyi
GADTB: Güney Azərbaycanda Azərbaycan Milli Hərəkatının tanınmış fəalı Abbas bəy Lisani, milli hərəkatın tanınmış digər milli fəalları Əli bəy Xeyrcu, Yusif bəy Kari və Behzad bəy Dəşti ilə birlikdə molla rejimin qətl, cinayət və işgəncə mərkəzi olan Evin zindanında ağır həbs şəraitində aclıq aksiyası keçirən Azərbaycan Milli Hərəkatının fəallarına dəstək olmaq məqsədilə bir başa cinayət mərkəzinin üstünə getmələri və vəhşicəsinə cinayətkar molla rejimin qüvvələri tərəfindən döyülərək həbs edilmələri Azərbaycan Milli Hərəkatında bütün düşmən fitnəkarlığına baxmayaraq birlik və fədakarlığın necə yüksək səviyyədə olduğunu nümayiş etdirdi.
Özəlliklə bir sıra qüvvələrin milli hərəkatda ayrılıq və qruplaşma yaratmağa çalışdığı bir vaxtda qətlgahın, həbs və işgəncənin üstünə getməsi xüsusi əhəmiyyət kəsb edir.
Cinayətkar və irqçi fars-molla rejimi haqlarını tapdadığı aclıq aksiyası keçirən azərbaycanlı siyasi məhbusların haqlı tələblərini yerinə yerməməklə, həmçinin onlara dəstək olan tanınmış azərbaycanlı milli fəalları da yırtıcı məmurları vasitəsilə həbs edib.
Sözsüz ki, irqçi fars-molla rejimin bu yırtıcılığı Azərbaycan Türk Millətini öz müqəddəs yolundan döndərə bilməyəcək və gec-tez Azərbaycanın qeyrətli övladlarının mübarizəsi öz nəticəsini verəcək.
Güney Azərbaycan Demokratik Türk Birliyi (GADTB) aclıq aksiya keçirən azərbaycanlı siyasi məhbuslara, eləcə də onlara dəstək olan Abbas bəyə və digər azərbaycanlı fəallara azadlıq tələb eməklə yanaşı, irqçi fars-molla rejimin Azərbaycan Türk Millətinin sivil mübarizəsini vəhşiliklə yatırma cəhdini pisləyir. Sözsüz ki, molla rejimin bu vəhşiliyi dağılmaqda olan rejimə kömək olmayacaq.
Əjdər Tağızadə
Güney Azərbaycan Demokratik Türk Birliyi (GADTB) başqanı
