GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən 2018-ci il oktyabrın 8-də Güney Azərbaycan və İran adlanan ölkənin 50-dən çox şəhərində rejimin yaratdığı ağır iqtisadi duruma, ölkədə qeyri-sabit iqtisadi vəziyyətə və ticarət mərkəzlərində hökm sürüən iqtisadi durğunluğa etiraz olaraq mağaza və ticarət obyektlərinin sahibləri kütləvi tətilə başlayıblar.
Kütləvi tətillər, bir neçə gün əvvəl sosial şəbəkələrdə əhalini geniş tətillərə başlamağa təşviq edən çağırışların yayılmasından sonra reallaşıb.
Bildirilir ki, Tehran, İsfahan, Şiraz, Məşhəd, Təbriz, Urmiya, Marağa, Qəzvin, Zəncan, Kirmanşah, Sonqur, Qəsr Şirin, Qoşaçay, Bukan, Saqqız, Banə, Mərivan, Qorqan, Sərdəşt, Bəndər Abbas, Çabahar, Zahidan, Xaş, Borazcan, Kazerun və digər şəhərlərdə bazarlar fəaliyyətini dayandırarıb, yüz minlərlə mağaza və ticarət obyektlərinin sahibləri tətilə qoşulublar.
Güney Azərbaycan və İran adlanan ölkənin 50-dən çox şəhərində mağaza və ticarət obyektlərinin fəaliyyəti dayandıraraq, ölkə üzrə geniş tətillərə başlaması və bunun yaxın günlərdə daha geniş vüsət alması ehtimalı, hakimiyyəti, o cümlədən Həsən Ruhani hökumətini şoka salıb.
