GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, yanvarın 13-də Güney Azərbaycanda və İranın bir sıra şəhərlərində müəllimlər kütləvi şəkildə etiraz aksiyası keçiriblər.
Aksiya İranda Təhsil İşçiləri Koordinasiya Şurasının növbəti çağırışı ilə yanvarın 13-ü, səhər saatlarından keçirilməyə başlayıb.
Etirazçılar müəllimlərin rütbələndirilməsi barədə qanunun tətbiqi, təqaüddə olan müəllimlərin hüquqlarının bərabərləşdirilməsi, məhbus müəllimlərin azadlığa buraxılması və əlavə sığorta hüququnun tanınması və s. tələblər irəli sürüblər.
Güney Azərbaycanın Ərdəbil, Təbriz, Əhər, Əbhər, Bicar, Kərəc, Zəngan, Həmədan, Tehran, Qum və əksər İran şəhərlərində keçirilib.
Müəllimlər sonda qəbul edilmiş qətnaməni səsləndiriblər.Müəllimlər təhsil sahəsinə olan diqqətsizlik göstərən hakimiyyətə xəbərdarlıq ediblər.
