Çərşənbə , Noyabr 18 2026
azfa

Güney Azərbaycanda Ana Dili günü münasibətilə bildirşlər paylanılıb

Dünən Beynəlxalq Ana Dili Günü münasibəti ilə Güney Azərbaycan Milli Hərəkatının fəalları bildirişlər paylayıblar.

Məlumata görə, vərəqələrdə Güney Azərbaycan xalqına qarşı sistematik ayrı-seçkiliyə etiraz ifadə olunub.

Təbriz şəhərində geniş şəkildə divarlara yapışdırılan və yayılan həmin bildirişin mətninin bir hissəsində deyilir:

“İran kimi tanınan ölkədə fars mərkəzli hökumət tərəfindən farslaşdırma siyasətinin başlanmasından təxminən yüz il keçir. Bu qeyri-insani və irqçi siyasətlər türklərin dili, mədəniyyəti və milli varlığını hədəf alıb. Azərbaycan türk milləti digər qeyri-fars xalqları ilə birlikdə məhvə məruz qalır və nəticədə qeyri-fars xalqların coğrafiyasının insan resursları, yerüstük və yeraltı sərvətləri talan edilir”.

Vərəqələrdə İran hakimiyyətinin son 100 ildə qeyri-fars xalqlara və onların dilinə qarşı ayrı-seçkilik siyasəti pislənilib.

Bununla yanaşı, mərkəzi hakimiyyətin assimilyasiya siyasətinə baxmayaraq, Azərbaycan milli hərəkatının gücləndiyi, azərbaycanlıların tapdalanmış hüquqlarının tələbi ilə bağlı fəaliyyətlərin gündəmə gətirildiyi qeyd edilib.

Həmçinin yoxlayın

Səhənd stadionu “Traxtur” komandasına verilir

GADTB: Təbrizin 70 min nəfərlik Səhənd stadionu “Traxtur” İdman Klubuna verilir. Bu haqda İran İdman …

İran zindanlarında məhbuslar çörək dilənirlər

GADTB: “Iran Wire” nəşri Tehran və Evin zindanlarında qida çatışmazlığı və məhbusların istismarı ilə bağlı …