Güney Azərbaycanda dəmiryolu işçiləri tətilə başladı

GADTB-nin Mətbuat Mərkəzinə daxil olan məlumata görə, Güney Azərbaycanda dəmiryolunda çalışan işçilər iki aydır əmək haqlarının ödənilməməsinə etiraz olaraq tətillərə başlayıb.

İşçilər bildiriblər ki, aprel ayından sonra əmək haqlarını almayıblar və buna etiraz olaraq işi dayandırırlar.

İşçilər bildiriblər ki, podratçılarla bir müddət öncə ötən iki ayın əmək haqqının ödənməsi ilə bağlı razılığa gəliblər. Lakin podratçı hazırda bu razılaşmaya əməl etməkdən boyun qaçırır və işçilərin son iki aylıq əmək haqqını ödəmir.

Etirazçı işçilər bildiriblər ki, buna görə onlar ağır vəziyyətdədir və ailələrini dolandıra bilmirlər. Səlahiyyətli qurumlardan isə heç biri onların durumu ilə maraqlanmır.