GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən Şərqi Azərbaycanda təqaüdçülərin kütləvi mitinqi keçirilib.
Kommunikasiya şirkətinin mərkəzi ofisi qarşısında keçirilən etiraz aksiyasının iştirakçıları şirkətin öz maliyyə öhdəlikləri və onların tələblərini yerinə yetirməməsindən məyus olduqlarını bildiriblər.
Onlar pensiyaçılar qarşısındakı bütün öhdəliklərin dərhal yerinə yetirilməsini və pensiyaçıların hüquqları ilə bağlı bütün qanunvericilik normalarına ciddi əməl olunmasını tələb edirlər.
Təqaüdçülərin nümayəndələri tələbləri yerinə yetirilənə qədər aksiyalarını davam etdirmək niyyətində olduqlarını bildiriblər. Onlar şirkət rəhbərliyini və İranın telekommunikasiya sektorunda qərar qəbul edən şəxsləri aktual problemlərin həlli və bütün keçmiş işçilər üçün ədalətin təmin edilməsi üçün tədbirlər görməyə çağırıblar.
