GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, Güney Azərbaycan Marağa şəhərinin Universitetinin öyrənciləri Azərbaycan türkcəsinin tədrisi ixtisası üçün imzatoplama kampaniyası keçiriblər. Onlar 900-dək imza toplamaqla təhsil müəssisəsində Azərbaycan türkcəsi və ədəbiyyatı ixtisasının yaradılmsını tələb ediblər.
Bu məqsədlə Universitetdə 900-dən çox türk öyrənci imza toplayıb.
Məktub imzalarla birlikdə fevralın 20-də universitet rəhbərliyinə təqdim olunub. Öyrəncilərin müraciəti isə Marağa Universitetinin rəhbərliyi tərəfindən səlahiyyətli orqanlara göndəriləcək.
Məlumata görə, Azərbaycan türkcəsi və ədəbiyyatı ixtisası yalnız Elm, Təhqiqat və Texnologiya Nazirliyi razılıq verəcəyi təqdirdə təsis edilə bilər.
Qeyd edək ki, 21 Fevral Dünya Ana Dili Günü münasibətilə Güney Azərbaycanda müxtəlif tədbirlər həyata keçirilir. Bu da həmin tədbirlər çərçivəsində həyata keçirilib. Lakin rejim hələ də Azərbaycan türkcəsini məhv etməyə çalışır.
