Çərşənbə axşamı , Noyabr 17 2026
azfa

Güney Azərbaycanda Xələc türkcəsi milli irs siyahısına salınıb

GADTB-nin Mətbuat Mərkəzinə daxil lan məlumata görə, Güney  Azərbaycanda Xələc türkcəsi milli irs siyahısına salınıb.

Tarixi Azərbaycan ərazisi olan Mərkəzi əyalətin Mədəni İrs, Turizm və Əl Sənayesi baş idarəsi “Xələc Türkcəsi”nin milli irs siyahısına salındığını bildirib.

İdarənin milli irs işləri üzrə müavini Hüseyn Mahmudi bu barədə məlumat verib: “Xələc türkcəsi türk dilləri ailəsinə mənsub ən qədim dildir. Hal-hazırda İranın mərkəzi bölgəsində bu dildə danışanlar vardır”.

Mahmudi bu dildə danışılan bölgələr barədə məlumat verib: “Xələc türkcəsi Farahan bölgəsinin Təlxab (Acısu) şəhəri, Aştian, Təfriş və Ərak bölgəsinin bir sıra kəndlərində danışılır. Lakin bu dildə danışanların sayı az olduğundan kəskin məhv olma təhlükəsi ilə üzləşib”.

Mahmudi Xələc türkcəsinin qorunması üçün yolları vurğulayıb: “atalar sözləri, yerli şerlər və tapmacalardan ibarət Xələc dili şifahi ədəbiyyatının milli qeydiyyata alınmasına, bu mədəni irsin qorunmasına yardımçı ola bilər”

Hüseyn Mahmudi sözlərinin sonunda deyib: “Hər bir yurdun dilləri və ləhcələri hiss olunmayan mədəni irslərinin böyük bir hissəsini təşkil etdiyini”.

Həmçinin yoxlayın

ABŞ-ın “Ruzvelt” aviadaşıyan gəmisi Yaxın Şərqə daxil olub

GADTB: “Aksios” nəşrindən sonra Birləşmiş Ərəb Əmirliklərinin “The National” jurnalı və “Jerusalem Post” qəzeti də …

İrqçi fars rejiminin parlamenti xarici ölkələrin media qurumları ilə əməkdaşlığı cinayət hesab edir

GADTB: İran parlamenti media məkanının məhdudlaşdırılması və informasiyanın sərbəst yayılmasına qarşı təzyiqlərin gücləndirilməsi istiqamətində atdığı …