GADTB Güney Azərbaycan Demokratik Türk Birliyi
GADTB: ABŞ-ın müdafiə naziri Pit Heqset CNN-in ABŞ ordusunun İranla müharibə zamanı THAAD hava hücumundan müdafiə sisteminin raket ehtiyatlarının təxminən 80 faizini istifadə etdiyi barədə xəbərini təkzib edib.
O, “X” sosial şəbəkəsində CNN-in bu xəbərinin başlığını paylaşaraq yazıb: “Bu başlıq doğru deyil, CNN. Utanmalısınız.”
Heqset başqa bir paylaşımında isə bildirib: “Saxta xəbərlər yayan mediadan kifayət qədər nifrət etmirik.”
Qeyd edək ki, CNN öz hesabatında məlumatlı mənbələrə istinadən ABŞ-ın əsas hava hücumundan müdafiə sistemlərinin ehtiyatlarının İranla müharibə zamanı ciddi şəkildə azaldığını yazmışdı.
CNN-in məlumatına görə, iki məlumatlı mənbənin tanış olduğu son ehtiyat hesabatına əsasən, ABŞ ordusu müharibənin başlanmasından bəri müharibədən əvvəlki ehtiyatlarla müqayisədə THAAD sisteminin raketlərinin təxminən 80 faizini, Patriot sisteminin raketlərinin isə təxminən yarısını istifadə edib.
