Şənbə , Noyabr 26 2022
azfa

Hun türklərinin nəvələrinin ölkəsi Macarıstanda Azərbaycan Evi açıldı

GADTB-nin Mətbuat Mərkəzinə daxil olan məlumata görə, dekabrın 27-də Macarıstanın paytaxtı Budapeşt şəhərində Azərbaycan evinin açılış mərasimi keçirilib.

Azərbaycanın Dövlət himninin səsləndirilməsi ilə başlayan mərasimdə ölkəmizin Macarıstandakı fövqəladə və səlahiyyətli səfiri Vilayət Quliyev, Diasporla İş üzrə Dövlət Komitəsinin sektor müdiri Səlhət Abbasova, Azərbaycan Diasporuna Dəstək Fondunun nümayəndəsi İbrahim Səfərli, Şərqi Avropa Azərbaycanlıları Koordinasiya Şurasının üzvləri, diaspor fəalları və media təmsilçiləri iştirak ediblər.

Tədbirdə Azərbaycan səfiri Vilayət Quliyev, Dövlət Komitəsinin nümayəndəsi Səlhət Abbasova, macar icmasının təmsilçisi Farkaş Jozef, Subyektiv Dəyərlər Fondunun (Subjective Values Foundation) rəhbəri Marsel Lorinç, diaspor təşkilatlarının rəhbərləri Ramiz Əmirli, Svetlana Abdullayeva, Əliağa Ağayev və Cavid Əhmədov çıxış edərək soydaşlarımızı bu önəmli hadisə münasibətilə təbrik ediblər. Onlar bu addımı uzun illər Azərbaycan evinin yaradılması arzusu ilə yaşayan soydaşlarımıza Dünya Azərbaycanlılarının Həmrəylik Günü ərəfəsində dövlətimizin böyük hədiyyəsi və qayğısı kimi dəyərləndiriblər.

Tədbir konsert proqramı ilə davam edib.

Həmçinin yoxlayın

Ermənistan rəsmisi anti-Azərbaycan mövqeyinə görə İrana təşəkkür edib

GADTB: “Fars” xəbər agentlinin məlumatına görə, erməni saytlarından biri ölkə hökumətinə istinadən xəbər verir ki, …

Molla rejimi ağsaqqal azərbaycanlı fəal Pərviz Siyabini ağır cinayətlər törətmiş məhbusların bölməsinə köçürüb

GADTB-nin Mətbuat Mərkəzinə daxil olan məlumata görə, irqçi fars-molla rejimi Ərdəbildən olan tanınmış hüquqşünas, azərbaycanlı …

Bir cavab yazın