İran PJAK üzvlərini həbs etdiyini bildirir

GADTB: İran hakimiyyəti İran kürd hərbi-siyasi təşkilatı PJAK-ın 11 üzvü olduğu iddia edilən şəxsi təxribat ittihamı ilə həbs edib.

Bu barədə İranın Fars xəbər agentliyi məlumat yayıb.

Qeyd olunur ki, saxlanılanlar “PJAK üzvləri ilə birbaşa təmasda olublar, təxribat və ictimai təhlükəsizliyə təhdid planlaşdırırdılar”.

SEPAH sözçüsü qeyd edib ki, şübhəlilər “planlarını həyata keçirməzdən əvvəl müəyyən edilib və həbs ediliblər”.

Kürdüstan Azad Həyat Partiyası (PJAK) 2004-cü ildən bəri İslam Respublikasının kürdlərin sıx yaşadığı şimal-qərb bölgələrində İran rejiminə qarşı partizan müharibəsi aparır.

Təşkilatın əsas bazaları qonşu İraq Kürdüstanında yerləşir.