Axios: Kuşner və Vitkofun təyyarədaşıyan gəmini ziyarət etməsi İrana mesajdır

GADTB: ABŞ Prezidentinin xüsusi nümayəndəsi Stiv Uitkoff, ABŞ Silahlı Qüvvələrinin Mərkəzi Komandanlığının (CENTCOM) rəhbəri admiral Bred Kuper və Prezidentin kürəkəni Cared Kuşner Ərəb dənizindəki “USS Abraam Linkoln” təyyarədaşıyan gəmisində olublar.

Bu barədə Uitkoff X hesabında məlumat paylaşıb.

Məlumata görə, rəsmilər gəmi heyəti ilə görüş keçiriblər, həmçinin İran PUA-sını vuran pilotla söhbət ediblər.

Axios isə yazır ki, Kuşner və Vitkofun  təyyarədaşıyan gəmini ziyarət etməsi İrana mesajdır.

Qeyd edək ki, ABŞ hərbçiləri fevralın 3-də Ərəbistan dənizində ABŞ Hərbi Dəniz Qüvvələrinə məxsus aviadaşıyıcıya yaxınlaşan İran PUA-sını məhv edib.