GADTB-nin Mətbuat Mərkəzinə daxil olan məlumata görə, İranın Vətəndaş Vəziyyətlərinin Qeydiyyat İdarəsi azərbaycanlı körpəyə Tarkan adına görə şəxsiyyət vəsiqəsi vermir
Bu barədə azərbaycanlı valideyn Rəhim Qəribi Nəzərli özünün İnstaqram səhifəsində məlumat paylaşıb.
O, iyunun 12-də dünyaya gələn övladına türkcə Tarkan adı verdiyi üçün İranın Tehrandakı Vətəndaş Vəziyyətlərinin Qeydiyyat İdarəsindən şəxsiyyət vəsiqəsi ala bilmədiyini yazıb.
Rəhim Qəribi Nəzərli yazıb ki, bu məsələ ilə bağlı həmin idarəyə dəfələrlə müraciət etsə də, övladlarına seçdikləri ada şəxsiyyət vəsiqəsi verməyiblər.
Qeyd edək ki, İran rejimi Azərbaycan türklərini bir millət kimi assimilyasiyaya uğradıb məhv etmək məqsədilə onlara öz dillərində övladlarına ad qoymağı qadağan edib. Bu isə haqlı olaraq Azərbaycan türklərinin ciddi etirazı ilə qarşılaşır.