GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejiminin sentyabrın 21-də Məlikan (Məlikkəndi) şəhərində yaxaladığı və ETTELAAT İdarəsinin təcridxanasında sorğu-suala çəkildikdən sonra rejimin Marağada yerləşən zindanının karantin bölməsinə köçürülən 6 azərbaycanlı fəal aclıq aksiyasına başlayıb.
Azərbaycanlı fəallar bununla qanunsuz həbs edildiklərinə, təzyiq və təhqirlərə məruz qaldıqlarına etirazlarının bildiriblər.
Qeyd edək ki, Rumina Rəhmani, Mubina Rəhmani, Məlihə Güləfşan, Əmirhüseyn Xəlilzadə, Meysəm Zəhmətkeş, Əli Zəhmətkeş sentyabrın 21-i gecə saatlarında rejimin ETTELAAT məmurları tərəfindən döyülərək yaxalanıblar.
Həmin şəxslərin nədə ittiham olunduqları barədə heç bir məlumat verilməyib.
Azərbaycanlı fəalların yaxınları bildirirlər ki, yaxalanan şəxslərin həyatlarına təhlükə törədildiyi halda rejimin Məlikan şəhərindəki prokuroru Mürtəza Fərcampur məsuliyyət daşımalıdır.
